O Yaara

Kya bataoon?
In sawalon mein kab say yoon phassa hoon
Raakh saaray safhay, par likh raha hoon
Fasaanay mein zindagi kay
Mann ko kesay aur kesay behlaoon?

Tukray kaanch kay bikhray zameen par
Chalna chahoon par, chaya hai har qadam
Ye dhuaan
Saans laina hai sazaa

Ye wafa tau bazaar mein bikti
Ek chehra, haqeeqatein dhair saari
Kyu lagay hein khud ki khoj mein sab hee?
Haal e dil mein ab kesay samjhaoon?

Hai ye uljhay dhaagon sa
Meri sochon ka jahan

Tukray kaanch kay bikhray zameen par
Chalna chahoon par, chaya hai har qadam
Ye dhuaan
Saans laina hai sazaa

Andar tairay raaz kai hein
Andar tairay raaz kai hein
Khud say jo mil paye ga
O yaara, dil say jo sunn paye ga
Na chor aas ki dorr ko
Sach tu samajh jayega
O yaara, phir tu sambhal jayega