Ahmed Alsadi Thawon

من تغيب عشر سنين 
ماتلگه اللي يفتقدك 
لا والاكثر يعيشون 
احسن عيشه من بعدك 

قريباً جداً اتغيّر
اعامل بالمثل واكثر
اني انخسر مااخسر 
واشوفهم 

لتشوفه البشر جرحك 
بغير اللچمه مينصحك 
من كل گلبي راح اضحك 
واشوّفهم 


سهله
راح ابدي من الاغله 
واحد واحد انساه
وابقه الوحدي احلى 

سهله 
راجع ضحكتي اعله
بعدهم فرحتي شلون
غريب وشايف اهله 

من تغيب عشر سنين 
ماتلگه اللي يفتقدك 

********



 بسكم ثرثره اتأذيت 
اني انسان مولوحه
نصيحه الالله من اليوم 
كل من يلتهي بروحه 



ترخص حيل من تهتم
وادم تطرب اعله الذم 
بديت الوحدي اتأقلم 
ولا اندم 

المايعنيهم غيابي 
ماسميهم احبابي
بوجهم راح اسد بابي 
ولا اندم


وتهون
الشايلهم بالعيون
اعرف بيهم اخفاف
وبس ارمش يطيحون

وتهون 
مااقبل يرجعون 
اصلاً گلبي مخلًوق
مو للناس التخون 


نصيحه الالله من اليوم 
كل من يلتهي بروحه