قليل الاصل

بيخسرني وعامل نفسه همّه
نسي الحضن اللي كان ضمّه
ومش همه دموع عيني

بيأذيني، وبيهددني نتفارق
بيقول لي وجودي مش فارق
ده كان غلبان أوي يا عيني

أنا اللي بإيدي عليته أذاني وعمري ما أذيته
ياما نسيني ولا نسيته وأقول أهو بكرة يتغير
أنا اديته الثقة في نفسه كبر وعليّ شاف نفسه
حلال فيه اللي هيحسه يعيش من بعدي متحير

قليل الأصل بيبعني كبر وأديه بيوجعني
أنا اللي آمنت بزيادة وأعاتبه يقول وإيه يعني
ما أنا اللي اديته فوق قيمته وأنا اللي بإيدي علمته
دي الوقت مش عجبه حياتي ونسي أصلا منين جيبته

وأيامه، خلاص ما بقتش تعنيني
يلف، يلف ويجي لي
ويندم ع اللي يوم قاله

عادي ماله ده لو هيموت ويرجع لي
يموت عادي وإيه يعني
عقابه يعيش واقف حاله

أنا اللي بإيدي عليته أذاني وعمري ما أذيته
ياما نسيني ولا نسيته وأقول أهو بكرة يتغير
أنا اديته الثقة في نفسه كبر وعليّ شاف نفسه
حلال فيه اللي هيحسه يعيش من بعدي متحير

قليل الأصل بيبعني كبر وأديه بيوجعني
أنا اللي آمنت بزيادة وأعاتبه يقول وإيه يعني
ما أنا اللي اديته فوق قيمته وأنا اللي بإيدي علمته
دي الوقت مش عجبه حياتي ونسي أصلا منين جيبته