أغنية " دمع العين " احمد مشعل - بتعب من جوايا ونفسي الالي

دمع العين بيسيح كحل ذايب
ويلة من الحبايب ليه هجروني
بسأل نفسي إيه اللي بجد صاير
عايش مع ضراير بيقطعوني
ذوقت المر وخذته كعب داير
وبلف في دواير أكثر واحد تاه
فات العمر كبرت أنا في دقائق
عمري ما كنت فايق عشان الذنب أنساه

فرحي يا غايب أنا مش آسف لما نسيتك يوم
كنت أنا عارف إنك خاين وجراحك بالكوم
مستنتش عليّ وقمت قايل لي أنا مش هتقوم
كنت مزاملك وقت الشدة وإنت عليك بتخون

بتعب من جوايا ونفسي آلالي
يمّة مين اللي جا لي صابني مية كابوس
عندي كثير خطايا جوة كتابي
متصنف إرهابي محسود أنا محبوس
صاحي يا دنيا بس كأني نايم
مبروحش العزايم واخذني غياب
وكإني أنا مسحور والسحر زايل
علشان بختي مايل من أهلي وصحاب

كله بيحسد كله بيأذي وما في شئ بيدوم
كله هيبقى عايزك واقع خايف يوم تقوم
ساعة الجد الكل بيجري وصاحبك مش هيصون
آخره كلام ومفيش أفعال الكل بقى بيهون

زايل زايف ساكت خالص بتكلم سكوت
إزاي هنا أنا فوق الأرض وحاسس إني بموت
إسود غامق لون دقاتي ودقات مش بتعود
شكلي خلاص رايح مش راجع أنا مش سامع صوت

بص يا حظ بجد أنا آسف
مش طايلك ولا عارف أفرح حتى ليوم
صنت وخنتوا وبرضو مش بتعلم
أنا بفضل أتألم عايش كالمعزول

ليل يا ليل، يا ليل، يا ليل