Alash

Агып баткан Алажымга
Арбай тараа тараан болза
Анай-кара эжикейниң
Аалынга четкен болза

Кырлап баткан Алажымга
Кызыл-тараа тараан болза
Каттыраңнаан ол бир хейниң
Кара чажын суйбаан болза

Чалгып баткан Алажымга
Чиңге-тараа тараан болза
Чараш кара ол бир хейниң
Чаагын орта ошкаан болза

Сула баткан Алажымга
Сула тараа тараан болза
Сула чаңнаар ол бир хейниң
Суурунга четкен болза

Дажып баткан Алажымга
Тараа чемим тарып алдым
Дужуксанчыг ол бир хейге
Канчап дужа бергеним ол