ياحلاوة رمضان

رمضان يا بهيه عايز ملوخية
وحمام وكفتة محشي وعصير
ما تفكك مني وابعد بقى عني
طول اليوم تنضيف كثير

يا حلاوة رمضان فوانيس وزينة كمان
والبيت كله فرحان بدخوله علينا
يا حلاوة رمضان فوانيس وزينة كمان
والبيت كله فرحان بدخوله علينا

طول النهار عطشان من كثر اللعب جعان
إمتى هيجي الأذان وينادوا علينا
خلي بالك طويل وبلاش تلعب كثير
صلي وركز في الخير رمضان ده كريم
خلي بينكم اتفاق إهدوا وبطلوا خناق
وكفاية نكد وقول فتاح يا عليم

يا حلاوة رمضان فوانيس وزينة كمان
والبيت كله فرحان بدخوله علينا
يا حلاوة رمضان فوانيس وزينة كمان
والبيت كله فرحان بدخوله علينا

(لمتنا ع الفطار (مستنين المدفع
(تعبانة طول النهار (المحشي ريحته تجوع
ما بقاش فاضل كثير صبي يلا العصير
أنا عقلي خلاص بيطير اليوم ده طويل
(ما بقاش فاضل كثير (صبي يلا العصير
أنا عقلي خلاص بيطير اليوم ده طويل

(وضرب المدفع (وضرب المدفع
وضرب المدفع

بعد التراويح جاهزين
في دورة رمضان حاضرين
تيكا تاكا أكيد فايزين
حريفة إحنا الجامدين
هو احنا خلاص هنشيل لا فوقو بقى ياحلويين
مش همشي غير لما اكسب ولا طالع برة الملعب
العب ركز وفوق علشان نكسب ونروق
ده الوقت خلاص بيروح عايزين نلحق سحور

الفجر أذن، الفجر أذن ما شربتش

يا حلاوة رمضان فوانيس وزينة كمان
والبيت كله فرحان بدخوله علينا
يا حلاوة رمضان فوانيس وزينة كمان
والبيت كله فرحان بدخوله علينا

يا حلاوة رمضان فوانيس وزينة كمان
والبيت كله فرحان بدخوله علينا
يا حلاوة رمضان فوانيس وزينة كمان
والبيت كله فرحان بدخوله علينا