وينك تعال

وينك تعال، وينك تعال

وينك تعال أنا بدونك حزيني
من يوم غبت القلب فارق مقره
إنت القصيد اللي تشوف وحنيني
لولاك ما قلت الشعر كل مرة

ما هو طرب لكنه إحساس فيني
الشوق عذبني وحسيت حرة
يا ناكر العشرة عطيتك سنيني
سايرت طبعٍ فيك خيره وشره

نسيت يوم إنك معي يا ضنيني
أعطيك حلو الوقت ما شفت مُرّه
مديت لك كفي وراحة إيديني
(وأدرى عليك من الزعل والمضرة (المضرة

لاجيتني ضايق عطيتك يميني
ما تروح لين أرضيك ما تهل عبره
مادري وش اللي صار بينك وبيني
أوجعتني وحطيت بالقلب جمرة

صبرت حين وقلت يمكن تجيني
ونسيت من عاهدت واعطاك عمره
من كثر شوقي شايفك محتريني
وما عاد ذاق القلب أنس ومسرّه

وما عاد ضاق القلب من لايميني
قالوا شكى بعده وما طاق هجره
لو كان غيره كان قلبه يليني
ما هو بيجفى واحد جاء يبره

قد كان دايم بالهوى محتويني
أقفى وفي غيبته ما بان عذره
ما له شبيه وخالقه مبتليني
يا ليتني ما شفت حسنه وثغره
يا ليتني ما شفت حسنه وثغره