يوم أنك تسأل

يهل الوبل ودموعه الحزين اللي بلاه الهم
ما تشبه كود ما طره الشديد بليل توديعه
وليفٍ جعلني فدوة غلاه وفتنة المبسم
وعودٍ منْه عوق أهل الهوى وأكبر مواقيعه

عرفت إن الهوى بلوى على العاشق ولا يرحم
صويبٍ ضده الحظ اللئيم رشاف ما يريعه
يا كم من مرةٍ قد ذاق مرة غير ما استسلم
يزيده صبر غير الصبر ما حصل منافيعه
وإلى منه بغى يروى إلى منه ورد للجم
شفوقٍ للوصل يحداه وقتٍ غصبٍ يطيعه وقتٍ، غصبٍ يطيعه
يهل الوبل ودموعه الحزين اللي بلاه الهم
ما تشبه كود ما طره الشديد بليل توديعه

جعل يسقى علينا يوم عاد أرواحنا بلسم
زمان أول لقانا قبل تصدمنا مواجيعه
تحت ظل اشجرتنا اللي بها أول ملتقانا ثم
يداعبنا هوى الغربي ويطرقنا ذعاذيعه

مكان ينفس الصدر المشقى من هموم وغم
يسج المشتحن لا جاه عن كثرة مداميعه
يوم إنك تسأل إنت تحبني جدا وبي مهتم
ما كأنك تدري إن حبك على قلبي مرابيعه، على قلبي مرابيعه
و ودعتك وذا دربٍ لابده واسلم وتسلم
على حب الشرف واللي نقاه أكبر مطاميعه