Nagirvárrái - Olles Mátki (The Whole Journey) (Feat. Katarina Barruk, Hildá Länsman & Ulla Pirttijärvi)

GIEĐAS
Goaikkuhit mielkedilkkožat 
mas govddodit dat čáppa eatnamat
na gea, na gea
buot dát bievllažat
jorba dego boahkanboaložat

Skirvehallat duhat ealuid badjel
láse čađa buot dát govažat

Badjel meara - agis ahkái
okta fearán - bealjis bealljái

Riegádit ođđa bottožat
skuovakeahtta badjel duoddara
eallima njálggahájažat
fuomáškeahtta han du gieđas lea

Skirvehallat duhat ealuid badjel
uvssa čađa girde jurdagat

Badjel meara - agis ahkái
okta fearán - bealjis bealljái
badjel dieváid - geađgis geađgái
okta fearán - guvsis guksái

IHTTÁ BOASTTA
buoret vel
njealljenuppelogiduhat rievssaha mat don beal máđi gullojit
ja nu čábbát ja nu fiidnat beuka beuka beukalit
ihkku smiehtan, beaivet attán, niehku rievdada
ihttá boastta, odne boasttakássás juo
             
Uvssa bajabealde
juohkelágan hearvvažat, dievasmahtton eallimat
Vádjolii go geahčestin, bajabeallái
Mohkestagat, geahčestagat, fahkkestaga jávkkehit

Eará várit, eará jávrrit - oba ođđa ođásmáhttin
eará olbmot, eará biktasat - ođásmáhtton oktii vel
ihkku smiehtan, beaivet attán, niehku rievdada
ihttá boastta, odne boasttakássás juo

Uvssa bajabealde
juohkelágan hearvvažat, dievasmahtton eallimat
Vádjolii go geahčestin, bajabeallái
Mohkestagat, geahčestagat, fahkkestaga jávkkehit

Luohttámuš gal nanus lei
suona čanan gieđa birra, oaidnit dál jus girdilan

doaivvut go?
suonat ain mu gieđa birra
vuolggán go vai bázán go?

Uvssa bajabealde
juohkelágan hearvvažat, dievasmahtton eallimat
Vádjolii go geahčestin, bajabeallái
Mohkestagat, geahčestagat, fahkkestaga jávkkehit

JIEHTANASAT
Ruovdejiehtanasat nu čuožžilit min eatnamiid alde
na maid son máttarmáttut jo dasa dajašivčče?

Sáhttit go mii ealáskit jus nieguid siste jođášit?
máttarmáttut moddjestit ja ođđa beaivvit badjánit

Vuollediđolašvuođa čáhcerávggat mat jo nu vuojadit ja njágadit, 
imaštalan movt mii válbbáskeimmet 
dego mierka siste dádjadit 

Sáhttit go mii ealáskit jus nieguid siste jođášit?
máttarmáttut moddjestit ja ođđa beaivvit badjánit

Ijat rivdet beivviide, jogat golget, lottážat girddašit
Dála dilli dološ doložis, olu rievdan lea
Ganešat eai gullon šat niegusteamet
sii leat jávohuvvan, ja mii ge jávohuvaimet

GII DAN LIVČČE
Ieš de ledjen mearridan gosa galggan ollet jo
Máŋggaid mohkiid maŋŋil 
ulbmilat go rievdan jo
okta juolgi goabbáge geainnu alde leamen go
Dievva dat ledje jo juonat ja suonat

Gii dan sáhttá árvidit?
Gii dán livčče einnostit?

Gii dan sáhttá árvidit? Don it galgga suorganit
Gii dan livčče einostit? Don it goitge mearrit
Geainna šattat deaivvadit, maid de barggašivččet
Gosa galggat girdilit, fertet go jo buokčalit?

Gii dan sáhttá árvidit?
Gii dan livčče einnostit?

ÁLÁS
Son guđii mu okto
gomuvuođa čalmiid duohken
  dádjadan birra
imašlašvuođas
 Vuostaš háve guhkes áigái, 
lean ge oalle lonely
    oh son lea lovely

        Jovssái mu odne - jaskatvuođas        
álas 


         Ain muhtumin, ain muittašan
      Dan oktii áiggis        
        Ain muhtumin, mun gávnnan oasa
         Orun doppe gitta lea áigi fas mannan

            Hájja vuojadá almmis
    Šaddá imaš oađašit go ii leat mihkkege báhcán
     Dál mun lean geargan, dušše idja-olmmái
              imašlašvuođas

  In han mun gal lean nu čeahppi dás
            Movt de go lea ceavvi jasat?

Jovssái mu odne - jaskatvuođas        
álas 
        Jovssái mu odne - jaskatvuođas        
álás

ÁJMUOH  ILMMIT
Dán ájgien máhtáb güjt müvdijne vuöjnniet duv ammas sijjiene.
Valla sïjttame vuöjnniet duv, jiänabuv guh dålliene
Dájráh dådna? Leäh åjáldahttáme? Dájráh dådna?

Måj mähtten mannat niäguoj tjarra.
Måj mähtten vuöjnniet niäguoj tjarra.
Åsieb muv siäluoste düŋŋien, bådáh rupttijde müŋŋien.
Åsieb muv siäluoste düŋŋien, bådáh rupttijde müŋŋien.

Bođii mu niegus 
Müvdijne månnan ájmuoh akttáneäh niäguone

Ain čuččodan, muhto goitge lihka-dan                                                                        
válljen ovtta geađggáža, ja bál-kestan                                                                      
Ale gahča!                                                                                                                
Gos nu čiekŋalasas bohciidedje govažat, dego govvagirjin dus                              
De oidnen fas buot daid apmasi-id                                                                              
du mánnávuođa čalmiid čađa                                                                                      
Mun lean čađat amastan du, viimat leimme gávnna-dan                                              
goabbat bealde jávrri čuččodeimme    

ÁDDJÁ 
Áddjá lea son
álo gáfe gievnnis
silbanvuovtta lea sus
    
ÁHKKU
Ii oktage nu gievra, ii oktage nu šiega
ledjet njunuš, dál leat jávkan
          albmi hoavvá, čokkii du, áhkku

Boagustedjet      jitnosepmosat
go guovža   čergui garrasit
muhto oidnen    gaskal iluid
ledje bakčasat vuoi nu orui

jua, nu lei

Ovdagovva         maŋgasiida
son ražai      návddi vuosta
muhto loahpas girdilii albmái
de go lottaš beassan luovus

áhkku, divrras mutnje leat
buorre dutnje lean
giitevaš mun lean

IVTTÁ BOASTTA
Jua ain savkala, várrebávttii ássi eallá
jaskatvuođas gullo juoga
guldalin
várrevielttis oidnojedje sárgojuvvon fearánat

Ihkku vurden, beaivet ožžon
niehku rievdadii 
Ivtta boasttá odne boasttakássas ain

Uvssa bajabealde, juohkelágan hearvvažat
dievasmeahttun eallimat 
vádjolii go geahčestin, bajabeallái 
mohkestagat, geahčestagat, fahkkestaga jávkkehit 

Seamma siidat, seamma sajit, sulli seammaláganat
seamma sogat, seamma sielut, oba dološ duovdagat

Ihkku vurden, beaivet ožžon 
niehku rievdadii 
Ivtta boasttá odne boasttakássas ain 

Uvssa bajabealde, juohkelágan hearvvažat 
dievasmeahttun eallimat
vádjolii go geahčestin, bajabeallái 
mohkestagat, geahčestagat, fahkkestaga jávkkehit 

Luohttámuš gal nanus lei 
suonat ledje gieđa birra, sávven ahte girdilan 
oooooooooooo
suonat ledje gieđa birra, doivon go vai mannen go? 

Uvssa bajabealde, juohkelágan hearvvažat 
dievasmeahttun eallimat 
vádjolii go geahčestin, bajabeallái 
mohkestagat, geahčestagat, fahkkestaga jávkkehit