Өмір-Өмір

Мазалап жүрсе сені де ой,
Көктемін қимас көңіл ғой.
Қайғыра берме күні-түн,
Бұл бар болғаны өмір ғой!

Өмір, өмір — аппақ таңның сәлемі,
Өмір, өмір — бақ секілді әдемі.
Өмір, өмір — ақ пен қара алмасқан,
Өмір, өмір — көңіл-күйдің әуені.

Арманың кейде алдайды,
Үмітің сөнсе сол қайғы.
Сынақтың өтпей бәрінен,
Басыңа бақыт қонбайды.

Өмір, өмір — аппақ таңның сәлемі,
Өмір, өмір — бақ секілді әдемі.
Өмір, өмір — ақ пен қара алмасқан,
Өмір, өмір — көңіл-күйдің әуені.