Кара Шашын

Қара шашың иығыңа төгілген,
Қара көзің не жылаған, не күлген.
Толғап өтті менің тұла бойымды
Бала кезден саған ғашық едім мен.
Толғап өтті менің тұла бойымды
Бала кезден саған ғашық едім мен.

Ұғу қиын адам жанын білемін мен,
Не оқисың қабағыңнан түнерген.
Білгің келсе қара менің көзіме
Мен жайында сұрамашы біреуден.
Білгің келсе қара менің көзіме
Мен жайында сұрамашы біреуден.

Жүрегімде жоқ алданыш, бөтен ой,
Алдай алсам сені де алдап кетем ғой,
Тағдырды да мойындаған секілді
Махаббатты да мойындайды екен ғой.
Тағдырды да мойындаған секілді
Махаббатты да мойындайды екен ғой.

Күн сыйлар едім, күнге жетер жол қайда?
Гүл сыйлар едім, күзде гүлдер солмай ма?
Дәл өзіңдей аяулы жан аруға 
Гитарамен ән сыйласам болмай ма?
Дәл өзіңдей аяулы жан аруға 
Гитарамен ән сыйласам болмай ма?

"Бар ма өзі бұл өмірде махаббат?"
Деп сұрадым көп адамнан қайталап.
"Жоқ" дегенде бұл өмірде махаббат
Жүрегіме қанжар болып қадалат.

"Жоқ" дегенде бұл өмірде махаббат
Жүрегіме қанжар болып қадалат.
"Жоқ" дегенде бұл өмірде махаббат
Жүрегіме қанжар болып қадалат.