Ağ Çiçəyim

Səhər-səhər göy meşədə
Dərdim səni, ağ çiçək
Bəyaz-bəyaz varaqlara
Sərdim səni, ağ çiçək

Birdən-birə ağ əllərdə
Təzələşdin, ağ çiçək
Ağ əllərdə elə bil ki
Ağ atəşdin, ağ çiçək

Çiçək, çiçək, ağ çiçəyim
Ömrümə bəzək ağ çiçəyim
Çiçək, çiçək, ağ çiçəyim
Ömrümə bəzək ağ çiçəyim

Gördüm səni bu gün başqa
Bir çəməndə, ağ çiçək
Ağ əllərin hərarəti yoxdur
Səndə, ağ çiçək

Soyuq-soyuq boylanırsan
Söylə neyçün, ağ çiçək?
De, sən də mi həsrətlisən?
Ağ əllər üçün, ağ çiçək