Qurban Adına

Qurban adına, bir sal yadına,
Sənin oduna yandım, bilmədin.
Yetər qüssə-qəm, mən səni hərdən
Könlümə həmdəm sandım, bilmədin…

Gərək biləydin, deyib güləydin…
Qurban adına, bir sal yadına,
Sənin oduna yandım, bilmədin…

Ellər gözəli, məni sevəni,
Şux gözəlləri dandım, bilmədin.
Ömrümün gülü, könlümün gülü,
Sevdiyim ili, ay gülüm, andım, bilmədin…

Nədir bu hicran? Səni hər zaman
Əziz, mehriban, ay gülüm, sandım, bilmədin…