Alshoug Wadeh

الشوق واضح عليّ والناس هراجة
وطيوفك إن جات ما أدري وين تاخذني
إرجع عروق الغلا للوصل محتاجة
ضامي وصالك ورمح البعد نافذني

تعبت أعاند ظروف الوقت وأواجه
هموم تاخذ سعادتنا وتنبذني
ناديت لك لين صوتي طوّل إزعاجه
ولا سمع صوتي المبحوح غير أذني
ناديت لك لين صوتي طوّل إزعاجه
ولا سمع صوتي المبحوح غير أذني

ما تشوفني غارقً في الحزن وأمواجه
مفروض لا شفتني غرقان تنقذني
ما هو بتقفي وأنا كبدي على صاجه
أشوفك بعين محتاجة وتشحذني

العمر يمضي ولا أدري ويش بأدراجه
والشوق يا كل ضلوعي ويتلذذني
وصلك علاجي وقلبي فاقد علاجه
إن متّ من حر شوقي لا تواخذني
أنا حياتي بدونك ما لها حاجة
يا تاخذ بغيبتك قلبي يا تاخذني
يا تاخذ بغيبتك قلبي يا تاخذني