Adamiani (Nuraphers Metkvi Imghere)

ნურაფერს მეტყვი მიმღერე
რომ გამიხდე თანაზიარი
ნურაფერს მეტყვი მიმღერე
სანამ არ არის გვიანი
პირველად იყო სიმღერა
გალობა ლამაზხმიანი
და სიმღერისთვის შეიქმნა
ადამიანი
პირველად იყო სიმღერა
გალობა ლამაზხმიანი
და სიმღერისთვის შეიქმნა
ადამიანი
როცა ღიმილთ მიყურებს
ეგ თვალები სანდომიანი
სულ ჩემიანად გიგულებ
და გული დამაქვს ფრთიანი
მეორედ იყო ღიმილი
მზიანი ალერსიანი
და სიკეთისთვის შეიქმნა ადამიანი
მეორედ იყო ღიმილი
მზიანი ალერსიანი
და ღიმილისთვის შეიქმნა
და სიმღერისთვის შეიქმნა
და სიკეთისთვის შეიქმნა
ადამიანი