كامل ايهاب - خساره فيكي

خلاص ماشية وسايباني
ومش فارقة أموت أو أعيش
حياتي مش مهمة خلاص
وبتقولي ما تلزمكيش
تهون العشرة بالساهل
مافيش ولا حاجة تستاهل
ما أنا اللي كنت بتساهل
طبيعي إنك ما تهتميش

قلبي ما جاش في يوم جرحك ولا مسك
وطول الوقت تعباني لكن كان بيكي متمسك
ده شاور لي عليكي زمان وقال إنك دفا وأمان
خسارة فيكي والله خسارة إنه في يوم حبك

أنا قادر على بعدك
أنا قادر على النسيان
مين إنت عشان أموت بعدك
ولاّ أشكي من الحرمان
ده أنا اللي عملت لك قيمة
وكانت نيتي سليمة
معاك خسارة وهزيمة
لكن وحدي هكون كسبان

قلبي ما جاش في يوم جرحك ولا مسك
وطول الوقت تعباني لكن كان بيكي متمسك
ده شاور لي عليكي زمان وقال إنك دفا وأمان
خسارة فيكي والله خسارة إنه في يوم حبك