نسانيس البراد
خالد ال بريك
5:34
Текст песни
طرف الليل ما نامت عيون الشقاوي عزتي للعيون اللي سهرها طبيعة كل ما انفضوا السمار كأني جلاوي في رقبته طليب وفي هشيمه وليعه عطني الدله وعطني خريف الحساوي ما حصل نوم وعيون الهقاوي وسيعة قلبي اللي من الفرقه يسوق الرجاوي ضاع من غيبة الخلان ضيعه وضيعه آه وحالي اللي مال جرحه مداوي لو يدس العذاب ولو يشيل الوجيعة مالي إلا طويلً فوقه الذيب عاوي راس رجمً يذري للحصون المنيعة لو غشاه السحاب اللي من الغرب ضاوي فرّق المزنه الغرى وراحت مزيعة فيه جرة مهاه وفيه طاري مهاوي جادل خلت الصدمة بعدها شنيعة كنت أسج القدم وادوّر اللي يخاوي وعقبها ما بقى غير الثياب الدليعة وين وجه الربيع اللي يلم البداوي والمظاهير وبيوت الشعر والطبيعة يمكن اسلا عقب حزن النهار القصاوي في مرب الجهام اللي لهرشه قضيعة راح طرفً كحيل وراح وجه حياوي ونجد الأنجد فجوجه للمغني نفيعة لا دعانا شجيعً دعوته بالمناوي دون راسه ما قدّم غير روسً صديعة واجب سعود واجب كل طيّب حماوي نقدر العذر دونه مير ما نستطيعه صاحبً في مواقيف النشاما فداوي وإسمه أشهر من نجوم المدار اللميعة إلبس البشت واترك لابسين الفراوي يا حفيد الزحول اللي تسد الذريعة دلبحيً ليا كبرت كبار الدعاوي في يمينك عنان الطيب مثل الوديعة معتلن صهوة اللي في رسنها تلاوي من بنات الحصان اللي تقود الطليعة ما نسوق العمار ولا نسوق الخطاوي غير يم المقام اللي براس الرفيعة الرفاقه يقدرها رفيق فداوي والمواقف تخطفها الذياب المجيعة يا ولد عايض أبشر بالحزام الرهاوي جل همك ورحب والتحايا طبيعة محفلك شع نوره مثل نجمً سماوي سكرت زحمته حتى الخطوط السريعة عادة الأد دلبح مخلفين الهقاوي يحتمون المواقف بالعزوم الشجيعة سمعةٍ مع طرفها ريح عنبر وجاوي في صدور المجالس شايعتها رفيعة سطرتها الزحول الي تلج العزاوي ما رضت بالهوان ولا رضت بالهزيعة حربة الأد روق اللي لاجات القصاوي طايل العمر في سوق المنايا يبيعه فوق روس الخصوم يكوسرون الحداوي لا تولوا مقاضيب السيوف الوريعة ولا دهاهم صياح محذفات الغطاوي حطوا قبورهم خرس العيون الوسيعة ومن كرمهم لا حلوا قاع دار سناوي قام يبرق على مد البصاير ربيعه والمضايف يحوم ابها العديم النداوي يكفخ اليوم وويًواصل مطيره تبيعه مدهل الجود قبلة كل سارح وضاوي في كنفها رموز المعرفة والشريعة كأن عج المداخن مع بهار القهاوي نو صيفٍ تصلخ من جنوبه صقيعة والصيانا علفها من ظهور الشتاوي والخروف السمين اللي ربح من يبيعه والكرم في عتيبه فطرةٍ بالتساوي ما خذوها نفاق ولا خذوها صنيعة أفنوا الحايل اللي في مراح الشواوي والعدو في عيونه مثل شوك النقيعة
