طب طمنيني لو حتى برنه

حصريا على موقع مهرجانات دوت كوم) الساعة تيجي اثنا عشر بنزل وسط البشر)
وشي قصاد البحر بحكي له على القدر
بكتم دموعي لكن جوايا جراح كفاية إنها تقتلني
بقول ياريتها لو تبقى معايا أتمنى بس متكنش نسيتني
عازف أورج يوسف أوشا

يعني خلاص قربنا على سنة كاملة بوعدنا
لما بتوحشيني بتصبر بصورنا
أيامنا وحكاوينا وسهرنا وليالينا
راحوا في غمضة عين وفرقنا بعضينا
طب طمنيني لو حتى برنة اللي ما بينا أكبر من ده
وليالي وحدي قاعد بستنى أشوفها صدفة يمكن أهدا
بسرح بلاقي نفسي في مكانا اللي اتقابلنا فيه يوم اللقاء
معقول خلاص أنا وإنت بعدنا نصيبنا جابنا سكة الفراق

كله يقول لي سبتك مش فكراك نسيتك
تتعب روحك ليه أومال لو حبيتك
بسمع من هنا وأنسى نفسي أتعلم أقسى
عدت أيام وشهور وأنا بحبها لسه
بكتم دموعي لكن جوايا جراح كفاية إنها تقتلني
بقول ياريتها لو تبقى معايا أتمنى بس متكنش نسيتني
حياتي واقفة بس على صوتها ونفسي أشوفها حتى لو دقيقة
حرمتني ليه حبيبتي من وجودها بكذب أنا دايما الحقيقة

عديت قدام بيتها ياه لو مرة لقيتها
قالوا عنها عزلت وغيرت نمرتها
أسأل دولا ودولا مفيش ردود معقولة
تايه وسط الناس أنا سكتي مجهولة
إديني فرصة بس أوضح لك عايز أقول لك إنت وحشتيني
بعدتي عني ليه وأنا محتاج لك قدرتي إنك توجعيني
في ليلي بسهر أنا جوة شاتنا بشوف كلامنا وأضحك وبدمع
بعدتنا ليه حبيبتي دنيتنا مبقتش عارف أفوق وأجمع

الساعة تيجي اثنا عشر بنزل وسط البشر
وشي قصاد البحر بحكي له على القدر
بتلفت حواليا أحباب ياما جمبيا
وأنا يا حبيبتي لوحدي ربنا عالم بيّ
يا اللي ظلمتي عمري أكون ظالم ربي عالم إن أنا مظلوم
مبدأش يومي غير بيكي أنا حالم أشوف عينك في حلمي كل يوم
مرتاحة يعني في غيابي قولي لي اللي وصلنا ليه ده بإيديكي
زي ما بوفي لازم توفي لي ازاي تبيعي وأنا مشتريكي

بدور على اميلها علشان أروح أكلمها
ولقيت صورة قدامي دي حبيبتي وخطيبها
بدخل أشوف بوستاتها فرحانة في حياتها
قلبي فجأة يقولي دي حبيتك روح هاتها
ازاي يا قلبي للدرجة ديا تصون تحب في ناس بايعينك
يا عقلي قول له فكر ثانية عايشين حياتهم يابا من غيرك
روح يا ستي ربي يسهلك أنا بقول لك أنا مت خلاص
بكرة الزمن دو هيثبت لك إن أنا حبيتك بإخلاص
إنتم دي الوقتِ بتسمعوا على موقع مهرجانات دوت كوم