Cocciu D'Amuri (Dal Film Di Ficarra E Picone "Andiamo A Quel Paese")

La notti è scura e nnô munnu mi perdu
Comu n'armuzza 'n pena vaiu circannu
Li to' biddizzi ca ficiru dannu
Mi fai tuccari 'u funnu
E nun capisciu nenti

La testa è sempri china di pinseri
Senza lu çiatu to' nun pozzu stari
Lu cori batti forti
Si tu mi rapi i porti
Di chistu paradisu è la fuddia

Vitti nni l'occhi toi du stiddi
Ca lucinu menz'ê capiddi
Fila di ferru e zuccaru
La facci na bannera
D'unni cci batti u suli, suli di primavera

Pi mia tu si na dia sicana
Ca quannu arridi 'u tempu acchiana
Iu vegnu appressu a tia, çiuri di puisia
Ca fa puisiari u munnu sanu

Affaccia bedda e senti sta canzuni
La cantu sulu a tia cocciu d'amuri
Lu sangu mi fa vuddiri nnê vini
Si nun ti viu mi veni di muriri

Affaccia bedda ca si tu a canzuni
E io ca n'anzi a vui scordu i duluri
Li peni sunnu duci si tu mi duni a paci
Io vogghiu stari sempri a latu i tia

Vitti na l'occhi toi due stiddi
Ca lucinu menz'ê capiddi
Fila di ferru zuccaru
La facci na bannera
Unni ci batti u suli, suli di primavera

Pi mia tu si na dia sicana
Ca quannu arridi u tempu acchiana
Iu vegnu appressu a tia
Çiuri di puisia
Ca fa puisiari u munnu sanu

Iu vegnu apressu a tia
Çiuri di puisia
Ca fa puisiari u munnu sanu