Enne Pranayicha Kattu Poove

എന്നെ പ്രണയിച്ച കാട്ട് പൂവേ
ഭ്രാന്തെനെന്നെന്നെ നീയും വിളിക്കണം
എന്നെ പ്രണയിച്ച കാട്ട് പൂവേ
ഭ്രാന്തെനെന്നെന്നെ നീയും വിളിക്കണം
വേർപാടിൻ വേദന കണ്ണുനീരിറ്റുന്ന
മിഴികളിൽ നിന്നു നീ വായിച്ചെടുക്കണം
വേർപാടിൻ വേദന കണ്ണുനീരിറ്റുന്ന
മിഴികളിൽ നിന്നും നീ വായിച്ചെടുക്കണം
എന്നെ പ്രണയിച്ച കാട്ട് പൂവേ
ഭ്രാന്തെനെന്നെന്നെ നീയും വിളിക്കണം

വരളുന്ന തേങ്ങലിൽ കൊഴിയുന്ന
വാക്കുകൾ നിൻ്റെയാ ഹൃദയത്തിൽ
എഴുതി സൂക്ഷിക്കണം
വരളുന്ന തേങ്ങലിൽ കൊഴിയുന്ന
വാക്കുകൾ നിൻ്റെയാ ഹൃദയത്തിൽ
എഴുതി സൂക്ഷിക്കണം
കനമുള്ള കദനങ്ങൾ ചിതയിലമരുമ്പോൾ
അറിയാതെ വന്നൊന്നു നോക്കി നിന്നീടണം
അകലുന്ന പകലിൻ്റെ സ്വപ്നങ്ങൾ  പേറി നീ
രാവോടു ചെന്നൊരു കള്ളം പറയണം
അകലുന്ന പകലിൻ്റെ സ്വപ്നങ്ങൾ  പേറി നീ
രാവോടു ചെന്നൊരു കള്ളം പറയണം
വേനലിൻ പ്രണയങ്ങൾ മഴയറിഞ്ഞില്ലെന്ന്
രാവിൻ്റെ കാതിൽ നീ കളിയായ് പറയണം
വേനലിൻ പ്രണയങ്ങൾ മഴയറിഞ്ഞില്ലെന്ന്
രാവിൻ്റെ കാതിൽ നീ കളിയായ് പറയണം

നമ്മളിൽ ഇനിയില്ല സ്വപ്ന വസന്തവും
സ്നേഹാക്ഷരങ്ങളും മോഹന രാഗവും
നമ്മളിൽ ഇനിയില്ല സ്വപ്ന വസന്തവും
സ്നേഹാക്ഷരങ്ങളും മോഹന രാഗവും
എഴുതി വച്ചില്ല ഞാൻ നിന്നെയും
നിൻ്റെയാ പ്രണയാക്ഷരങ്ങളും
എഴുതി വച്ചില്ല ഞാൻ നിന്നെയും
നിൻ്റെയാ പ്രണയാക്ഷരങ്ങളും
നോവേറെ ആകുമ്പോൾ നീ പറയാറുള്ള
കഥകളിൽ ഞാനില്ല എന്നു ഞാൻ അറിയുന്നു
സ്വപ്നങ്ങൾ സ്വപ്നങ്ങൾ മാത്രമാണെന്നും
കദനങ്ങൾ എന്നും യാഥാർഥ്യമാണെന്നും
ഞാനിന്നറിയുന്ന പൊള്ളുന്ന സത്യങ്ങൾ
എന്നെ പ്രണയിച്ച കാട്ട് പൂവേ
ഭ്രാന്തെനെന്നെന്നെ ഇനി നീയും വിളിക്കണം
ഭ്രാന്തെനെന്നെന്നെ ഇനി നീയും വിളിക്കണം