Bu Axşam

A dostlar, susmayın, gəlin birlikdə, –2
Qoşulaq mizraba, telə bu axşam. –2
Ürəklərə sevinc qatan qədəhlər, –2
Dəydikcə dodağa, dilə bu axşam. –2
Nəqərat:
Baxışlar deyəni könüllər çalsın,
Qohumun, tanışın səsi ucalsın.
Bahar bayramı kimi yadigar qalsın, –2
Ötən günə, aya, ilə bu axşam.
Bizləri dinləyən hər oğlan, hər qız,
Şeirsiz, nəğməsiz qalarmı yalqız?
Boylanıb güldükcə bir qoşa ulduz, –2
Bu ana torpağa, elə bu axşam. –4