Vətənimin Cəlali

Vətənimin cəlalına,
Şirin nəğmə qoşduqca mən.
Yavaş-yavaş ötür illər,
Saçlarıma düşübdür dən.
Nəqərat:
Hələ sinəm boşalmayıb,
Məhəbbətim bir ümmandır.
Gözlərimə işıq verən,
Al bayraqlı bu dövrandır.
Hələ neçə qönçə vardır,
Sinəm üstə gül açmayıb.
Ürəyimdə sözlərim var,
Körpə kimi dil açmayıb.
Nəqərat:
Ancaq bunu bilirəm ki,
Dən düşsə də saçlarıma.
Mən vəfasız olmamışam
Öz əhdimə, ilqarıma