帝女花之庵遇 (Live)

帝女花之庵遇 (Live)

唱︰劉惠鳴 / 李淑勤
曲︰古曲
詞︰唐滌生
編︰李章明

孤清清 路靜靜
呢朵劫後帝女花
怎能受斜雪風淒勁
滄桑一載裏
餐風雨續我殘餘命
鴛鴦劫後此生
更不復染傷春症
心好似月掛銀河靜
身好似夜鬼誰能認
劫後弄玉怕簫聲
說甚麼連理能同命
念國亡父崩母縊
妹夭 弟離
剩我借一死避世敲經
孰憐駙馬空枉有誓盟定
唉 怕憶劫後情
誰願再認
只有落葉伴殘命
一哭國土血尚腥
再哭父死未得葬皇陵
奈何佛法難護庇
唉枉敲青磬
哀帝女念盡阿彌
難把國魂喚醒呀

唉 老姑姑都已經月前死去
呢個新黎嘅主持
佢都未識得帝女花飄
更末解憐香惜玉
當此快雪初晴
便命我把山柴拾取 唉
正是不求樂昌圓破鏡
只憑魂夢哭皇陵

我飄零猶似斷蓬船
慘淡更如無家犬
哭此日山河易主
痛先帝白練無情呀 呀
歌罷酒筵空
夢斷巫山鳳
雪膚花貌化遊魂
玉砌珠簾皆血影
幸有涕淚哭茶庵
愧無青塚祭芳魂
落花已隨波浪去
不復有粉剩脂零
冷冷雪蝶臨梅嶺
曲中弦斷香銷劫後城
此日紅閣有誰個悼崇禎
唉
我燈昏夢醒哭祭茶亭
釵分玉碎想殉身歸幽冥
帝後遺骸誰願領
碧血積荒徑

雪中燕已是埋名和換姓
今生長願拜觀音掃銀瓶

哎呀 奇怪啦
點解呢個道姑嘅背影
咁似已死嘅長平宮主嘅呢吓
莫非幽魂現眼
唔會呀 如果係幽魂現眼
亦都唔會作道姑打扮㗎
呀 事有蹺蹊
待我扣門一問至得
呢處係清蓮界庵堂地
我要稍存禮貌 都未敢造次
哎呀呀 奇怪啦
可以佢閉門不納
事更可疑
待我衝門而進至得

你
請問呢位施主衝門
係借茶抑或係拜佛呀

哦 我一不是借茶
二不是拜佛
不過有一句說話
想求師傅你點化姐
你何以閉門不納呢

係 庵內無人
主持都未返
俗世男女都尚且授受不親
又何況係佛門清淨地呢

哦 師傅
我好應該長拜佛門慈悲嘅
一問師傅你貴姓呀

呀
貧道俗身姓沈 法號慧清呀

吓 你叫做慧清呀

係

飄渺間往事如夢情難認
百劫重逢緣何埋舊姓
夫妻斷了情
唉鴛鴦已定
唉烽煙已靖
我偷偷相試佢未吐真情令我驚

哦 夭折紅顏命
我願棄凡塵伴紅魚和青磬
敲經斷俗世情
雖則烽煙已靖
須知罡風也勁
我守身應要避世休談愛戀經

論理佢應該要把夫婿認
復合了偷偷暗中喚句卿卿

唉 宮主 徽妮

呀 施主你叫喚何人呀

我叫喚宮主囉

宮主又係施主你何人呀

宮主係我個妻房

吓

我話宮主係我個妻房呀

施主你叫喚妻房
應該在家中叫 房中叫
何解會叫到黎佛門清靜地嘅呢

吓 哦

俗世塵緣事我唔願聽
你莫尋偶清規地
將觀音兩番誤作湘卿
你似瘋顛
我不禁失驚
暗中念句真經
我今都已將剃度半生夢已醒
勸君休錯認
我才十歲咋
經棲身歸依佛法一心拜神靈

你睇吓佢真係咁忍心唔肯認我
試問誰無骨肉之親
父女之愛呢
等我講吓先帝崇禎嘅慘事
如果佢喊親呢
不問而知就梗係宮主㗎喇

復向前朝認
歎崇禎巢破家傾
你可有為佢沉痛沉痛敲經
靈台裏 嘆孤清
月照泉台靜
一對蠟燭也無人奉敬

唉 哎呀

哎呀 師傅 你喊喇
你梗係宮主啦

施主 你錯喇
皇帝係為我哋而死嘅
試問我哋又點可以唔喊呢

唉我哭故國凋零
問誰個能忘佢自縊在紅閣
謝民愛甘犧牲性命
感先帝哭絕了聲

深宮裏有朵帝女花
佢嘅慘處你可再願細聽

哎呀
帝女花已遭劫難我不願再聽
怕荒山冷靜
誰願與君孤單相對
犯了清規玷辱了名

施主
我都知道你係一個傷心人
但可惜呢處晤係傷心地呢
恕貧道不能奉陪
先行告退 阿彌陀佛喇

哎呀 呀師傅
我想求吓你呀
你帶我去燒香懺吓舊情

哎呀 唔得㗎

吓

仙庵寶殿多清淨
不要凡人妄敲經
莫忘形
我勸君勸君再莫染情狂病
更未許再留停

(各位觀眾
請以掌聲歡迎
年青揚琴演奏家賴應斌先生)