ليه البدايات مش بتطول

ليه البدايات مش بتطول ليه قلوب حبايبنا بتتحول
بعد ما نبني حياتنا عليهم نرجع أغراب زيّ الأول
بنسيب نفسنا ونعيش ليهم ناخد من روحنا ونديهم
نقاسمهم أوجاعهم وإحنا أوجاعنا بتيجي على إيديهم

كل ما نقرب لحلم البعد يسبق مانطلوش
البعاد يقسم في روحنا اثنين في سكة مايتلاقوش
نعيش بنُصّ عايش يحن لنصّ ثاني ماحنّلوش
نصّ ساكن فيه وجع ونصّ ثاني ماحسهوش

بنقابـل ناس ونودعهم ونعيش نتعذّب بوجعهم
بيروحوا يعيشوا وينسونا ونفضل نتعشّم في رجوعهم
الحب نصيب-مالناش فيه نصيب دايما نتعلّق باللي يسيب
نستنى سنين علشان نتحب، نتحب أما الحب يغيب

كل ما نقرب لحلم البعد يسبق مانطلوش
البعاد يقسم في روحنا اثنين في سكة مايتلاقوش
نعيش بنُصّ عايش يحن لنصّ ثاني ماحنّلوش
نصّ ساكن فيه وجع ونصّ ثاني ماحسهوش