انتي الونس

سلفيني عينيكي لحظة تشوفي نفسك من مكاني
روحي كانت ضايعة قبلك بيكي ردت فيّ ثاني
شوفت فيكي إيدين بتبني بفرحة طول الوقت فيّ
حضن ليل ونهار بطيبة وحُب بيطبطب عليّ

لامسة إحساسي بحنانك من سكوتي بتفهميني
حلوة حتى في عز زعلك عايزة برضو تفرحيني
إنت تحويشة سنيني في اللي جاي وفي اللي راح
إنت النجاح الحقيقي اللي بعده مفيش نجاح

إنت الونس شريكتي في الروح والنفس
أحلى حاجة في عمري كله وقلبي اللي أنا بيه بحس
إنت الطريق أول وآخر كل شئ
قلبك ملهوش في الدنيا زي لسه على الفطرة وبريئ

لو عليّ أديكي روحي وبرضو مش هتكون كفاية
إنت دعوة دعاها قلبي واستجابت في النهاية
صاحبتي وبنتي وحبيبتي أتوه وأضيع لو عني غيبتي
طول ما إيدك ماسكة إيدي الباقي مش فارق معايا

إنت الوحيدة في عز خوفي اللي قدرتي تطمنيني
قويتيني في عز ضعفي كنتي دايما تسنديني
مش هقابل حد زيك في الحياة لو مهما أشوف
كان زمان ناقصني حاجة وجيتي ليّ تكمليني

إنت الونس شريكتي في الروح والنفس
أحلى حاجة في عمري كله وقلبي اللي أنا بيه بحس
إنت الطريق أول وآخر كل شئ
قلبك ملهوش في الدنيا زي لسه على الفطرة وبرئ