Fawater El 3Etab

تنسى ساعات
وبتفتكر ساعات
بس بتيجي ليالي وتدق لك ع الباب
وتوصل لك حساب
فواتير العتاب
مش بتبص في الماضي كنت تموت وتنساه

ياه شفت الغالي بيتألم قدام عينيّ كنت أحكي له أحلامي
دايما كاتم الحزن في أعماق الصدر عشان أفضل متوازن
كنت أحاول أخفف عنه وأسرق منه الضحكة لما يعاني
طب ليه لما أرجع أفتكر تفاصيل بحسّني أناني؟

ما العمر مسروق
والبدن مسموم
والعقل متكتف والقلب مسجون
معلش الظروف
خلتني عجوز
في نص الطريق أنا الشخص المتلوف

ياه دنيا ضحكت عليّ خلتني أشتري من وكالة إبليس
اشتريت منه كل حاجة في المحل بالسعر الرخيص
بس شاطر الشيطان واللي اكتشفته بعد ما مرت سنين
إنه خذ مني كل حاجة كانت حلوة في حياتي بالتدريج

ياه وأنا كنت شباب ماعرفش الصح من الغلط من الأكاذيب
كنت واخذ الدنيا استهتار وعلى الله التساهيل
فجأة اترمت آمالي في النار وخلص عليها المصير
الصحة صبحت عدم شوفت شريط حياتي بيتعاد بالبطيء

ياه ما أنا مجرد إنسان
عنده شوية أحلام
واختفائي من الكون إستحالة هيبان
الدنيا اختبار والصبر إمتحان
بعد الريح والإعصار اللي اتكسّر هيبان

ياه الخواطر السم مع كل السواد ده هضمته وبلعته
ده أنا حتى قلبت الصفحة والكتاب عايز أعيش في اللي بعده
ما عدا المشهد اللي فضل يزورني لحد ما منعته
لما شوفته قدام عينيّ بيتعذب وماعرفتش أساعده

عمري ما حسيت بقيمة اللي في إيديّ فبندم في الأخر
يا ريتني فهمتها بأي شكل ثاني غير إنه يتاخذ
الروح اللي كانت بتتألم في الدنيا في الآخرة ارتاحت
ندمان ع الوقت اللي ماقضيناهوش بعد ما الساعة ساحت

تنسى ساعات
وبتفتكر ساعات
بس بتيجي ليالي وتدق لك ع الباب
وتوصل لك حساب
فواتير العتاب
مش بتبص في الماضي كنت تموت وتنساه

حاول تفتكر