رجعت للوطن روحو

نحن المن نشينا ملوك
صوتنا على الأعادي طلق

معروفين أهل فزعات
صفوفنا متينة ما بتنشق

نحن بنسند المحتاج
كم ليل بشمسنا شرق

نحن مجربين في الحارة
نحن الصوتنا صوت الحق

رجعت للوطن روحه بعد طيبنا له جروحه
عادت كل أحلامنا وحالفين تاني ما يروحوا
رجعت للوطن روحه بعد طيبنا له جروحه
عادت كل أحلامنا وحالفين تاني ما يروحوا

نسايم حب وحرية تسالم والعلم نشوان
وعاد من تاني زاهي اللون يقالد في سما السودان
نسايم حب وحرية (تسالم والعلم نشوان)
وعاد من تاني زاهي اللون (يقالد في سما السودان)
وما بتفرقنا كان حيين لا أشكال ولا ألوان
بنرسم لوحة لي باكر نرجع أحلى من ما كان

رجعت للوطن روحه بعد طيبنا له جروحه
عادت كل أحلامنا وحالفين تاني ما يروحوا
رجعت للوطن روحه بعد طيبنا له جروحه
عادت كل أحلامنا وحالفين تاني ما يروحوا

اتلمت قلوب الناس، عليها نشهد الأيام
تدق في ترابا سلمية بعد ما عاشت الآلام
اتلمت قلوب الناس (عليها نشهد الأيام)
تدق في ترابا سلمية (بعد ما عاشت الآلام)
ونحنا بنصنع التاريخ، عننا تكتب الأقلام
عدالة تكون أساس للكل وبكرة نحقق الأحلام

شرقت سما السودان، ملت الوطن وحدة
إيديا في إيديك في الخير وفي الشدة
صنعت طريقنا خطاك والشارع امتد
ما تخاف أخوك وراك، لا رجعة لا ردة
ما تخاف أخوك وراك، لا رجعة لا ردة

شرقت سما السودان، ملت الوطن وحدة
إيديا في إيديك في الخير وفي الشدة
صنعت طريقنا خطاك، والشارع امتد
ما تخاف أخوك وراك، لا رجعة لا ردة
ما تخاف أخوك وراك، لا رجعة لا ردة
ما تخاف أخوك وراك، لا رجعة لا ردة