İlk Məhəbbət (Bənzər Coşqun Dalğalara)

Ay gümüş nurunu səpələr
Qaçışar, gülüşər ləpələr
Yaz küləyi saçlarını dağıdar
Darayar, öpər
Gəl deyir gah göylər, gah sular
Sığmayır könlümdə arzular
İlk məhəbbət bənzər coşqun dalğalara
İlk gənclik bir xoş bahara
Ulduzlar qoşadır, göy dərin
Əlindən tutsaydı əllərim
Biz dönərdik bir cüt quşa
Uçardıq ulduztək qoşa
Gəl deyir gah göylər, gah sular
Sığmayır könlümdə arzular
İlk məhəbbət bənzər coşqun dalğalara
İlk gənclik bir xoş bahara
İlk məhəbbət bənzər coşqun dalğalara
İlk gənclik bir xoş bahara