ماقلت لك

ما قلت لك إني أنا غير عن أمس
وإحساسي وفرحي ودنيتي صار مفقود
أعماني حبك أمشي وأتلمسك لمس
مير البلا مفقود وبقلبي موجود
أنا أشوفك غير يا اللي إنت ما تحس
وأمطار صيفك عندي أمطار ورود
لا شتقت لك أحكي مع عطرك بهمس
يلا عسى أيامك أفراح وسعود

مثل الوطن أغفر ولا أقول لك بس
كيف الوطن يحيى بلا شعب وجنود
عند العرب عيدين وأعيادنا خمس
عيد الفرح والشوق والحب لك زود
لو جيت أفسر ها الغلا أتحمس
أتخيلك بوسة تجي بين الخدود
من بوستك صعبة علي أتنفس
كاني طفل ضايع لحضن أمه يعود

إني أنا غير عن أمس
وإحساسي وفرحي ودنيتي صار مفقود
أعماني حبك أمشي وأتلمسك لمس
مير البلا مفقود وبقلبي موجود

الناس قامت وإنت بالقلب تجلس
يا ساكن بعيني لك دموعي شهود
يا بعد روحي ويا بعد كل من حس
الناس تعرف إنك اللي مقصود
الناس قامت وإنت بالقلب تجلس
يا ساكن بعيني لك دموعي شهود
يا بعد روحي ويا بعد كل من حس
الناس تعرف إنك اللي مقصود

رمز بهواك يحيى وفيك تنفس
رمز الندى بين عيونك السود
أسمع دفى حسك يا لبيه وأنعس
وأشم أنفاسك معك أسوات العيود
أدمنت حبك بالحشى داخل النفس
صاين غرامك والهوى كل العهود
ما قلت لك إني أنا غير عن أمس
وإحساسي وفرحي ودنيتي صار مفقود

ما قلت لك إني أنا غير عن أمس
وإحساسي وفرحي ودنيتي صار مفقود
أعماني حبك أمشي وأتلمسك لمس
غير البلا مفقود وبقلبي موجود