Hadootah Masreya

ما نرضاش يخاصم القمر السما
ما نرضاش تدوس البشر بعضها
ما نرضاش يموت جوه قلبي نداء
ما نرضاش تهاجر الجذور أرضها
ما نرضاش قلبي جوا يغني وأجراس تدق لصرخة ميلاد
تموت حته مني الأجراس بتعلن نهاية بشر من العباد
دي الحكمة قتلتني و حيتني وخلتني أغوص في قلب السر
قلب الكون قبل الطوفان ما ييجي خلتني أخاف عليك يا مصر
وأحكيلك على المكنون
مين العاقل فينا مين المجنون
مين اللي مدبوح من الألم
مين اللي ظالم فينا مين مظلوم
مين اللي ما يعرفش غير كلمة نعم
مين اللي محميلك خضار الفلاحين غلابة
مين اللي محميلك عمار عمالك الطيابة
مين اللي ببيع الضمير مين يشتري ومين يشتري بيه الدمار

مين هو صاحب المسألة والمشكلة والحكاية والقلم
رأيت كل شيء وتعبت على الحقيقة
قابلت في الطريق عيون كتيرة بريئة
أعرف بشر عرفوني لأ لأ ما عرفونيش
قبلوني وقبلتهم
بمد إيدي لأ
طب ليه ما تقبلنيش
لا يهمني إسمك لا يهمني عنوانك
لا يهمني لونك ولا ولادك ومكانك
يهمني الإنسان ولو ما لوش عنوان
يا ناس يا ناس هي دي الحدوته
يا ناس يا ناس هي دي الحدوته
حدوته مصرية
حدوته مصرية
حدوته مصرية