Malai Jindagi Yo

मलाई जिन्दगी यो लाग्दछ
तिमी भन्दछौ यो पीर हो
जे छन् सबै ती व्यर्थ छन्
तिमी भन्दछौ यो प्यार हो
मलाई जिन्दगी यो लाग्दछ...

बहकिन्छु म सन्तापले
सल्केर आगो जल्दछु
खाली भएर शून्यझैँ
यहाँ खण्डहरूझैँ जिउँदछु

मेरा सारा-सारा अभावलाई
आकाश मेरो भन्दछु
तर मोहलाई म के भनूँ?
तिमी भन्दछौ यो भार हो
मलाई जिन्दगी यो लाग्दछ...

पोखिएकै म पानी भई
कहीँ शीत भई म अल्झिएँ
थाम्न नसक्दा वेदना
कहीँ घाउ भएर बल्झिएँ

थाम्न नसक्दा वेदना
कहीँ घाउ भएर बल्झिएँ
निर्दोष अनेक नजरमा म
आँसु बुनेर रोकिएँ

मझधारलाई म के भनूँ?
तिमी भन्दछौ यो किनार हो
मलाई जिन्दगी यो लाग्दछ
तिमी भन्दछौ यो पीर हो
मलाई जिन्दगी यो लाग्दछ...