Ürəyində Axtar Məni

Heç bilmirəm necə deyim, nə deyim
İncidən sən, inciyən sən, küsən sən
Bu gedişdən xəbərsizdi ürəyin
Elə bil ki, nə mən mənəm, nə sən sənsən

Sən dediyin mən deyiləm, nədəndir ?
Ötəridir duyğusu da, hissi də
Ürək yoxsa o bilmirəm nədəndir ?
Ürək deyib, ayıracaq bizi də

Gəl yanıma indən belə
Soruş məni, dinlə məni
Ürəyində axtar məni
Gözlərinlə qaytar məni

Bu dünyada bir dünyam var, narahat
Mən özüm də narahatam, nə deyim
Həsrətinə dözə bilmirəm əzizim
Bu talehə, bu qismətə nə deyim ?