Are Emaindhi

అరె ఏమైంది
అరె ఏమైంది ఒక మనసుకు రెక్కలొచ్చి ఎక్కడికొ ఎగిరింది
అది ఏమైంది తన మనిషిని వెదుకుతు ఇక్కడొచ్చి వాలింది
కలగాని కలఏదొ కళ్ళెదుటె నిలిచింది
అది నీలో మమతను నిద్దుర లేపింది
అరె ఏమైంది ఒక మనసుకు రెక్కలొచ్చి ఎక్కడికొ ఎగిరింది
అది ఏమైంది

నింగి వంగి నేలతోటి నేస్తమేదొ కోరింది
నేల పొంగి నింగి కోసం పూలదోసిలిచ్చింది
పూలు నేను చూడలేను పూజలేవి చేయలేను
నేలపైన కాళ్ళులేవు నింగివైపు చూపులేదు
కన్నెపిల్ల కళ్ళలోకి ఎన్నడైన చూసావొ
కానరాని గుండెలోకి కన్నమేసి వచ్చావు అది దోచావూ లలలలల

బీడులోన వాన చినుకు పిచ్చి మొలక వేసింది
పాడలేని గొంతులోన పాటఏదొ పలికింది
గుండె ఒక్కటున్న చాలు గొంతు తానే పాడగలదు
మాటలన్ని దాచుకుంటే పాట నీవే రాయగలవు
రాత రానివాడి రాత దేవుడేమి రాసాడో
చేతనైతే మార్చి చూడు వీడు మారిపోతాడు మనిషౌతాడు
అరె ఏమైంది ఒక మనసుకు రెక్కలొచ్చి ఎక్కడికొ ఎగిరింది
అది ఏమైంది తన మనిషిని వెదుకుతు ఇక్కడొచ్చి వాలింది
కలగాని కలఏదొ కళ్ళెదుటె నిలిచింది
అది నీలో మమతను నిద్దుర లేపింది
అరె ఏమైంది ఒక మనసుకు రెక్కలొచ్చి ఎక్కడికొ ఎగిరింది
అది ఏమైంది