Yar Bizə Qonaq Gələcək

Piyalələr irəfdədir,
Hər biri bir tərəfdədir,
Görməmişəm, bir həftədir.

Nəqərat:
Yar bizə qonaq gələcək, balam,
Bilmirəm, nə vaxt gələcək, balam,
Söz verib, sabah gələcək…

Dara zülfün, sal hər yana,
Gözləri bənzər ceyrana,
Baxdım, qaldım yana-yana.

Şamamalar xallı-xallı,
Yar geyinib yaşıl-allı,
Boyu bəstə, üzü xallı.

Samovara od salmışam,
İstəkana qənd salmışam,
Yarım gedib, tək qalmışam…

Ala gözün aldı canım,
Əldən gedib tab-təvanım,
Sənə qurban mənim canım.