Payye Veesum

പയ്യെ വീശും കാറ്റിൽ
കുഞ്ഞോളങ്ങൾ കൊഞ്ചും പോലെ
കണ്ണേ കണ്ടാൽ നിന്നെ
മിണ്ടീടുന്നേ നെഞ്ചം താനേ
മനസ്സുകളാൽ നാം പോകും ദൂരം
ഇതുവരെയും ഞാൻ കാണാദൂരം

പതിവുകളായെന്നും പ്രഭാതങ്ങൾ നിൻ
ചുവടുകളേ തുടരും നേരവും
ചെറിയൊരു കൈ തലോടൽ പോലവേ
നടന്നു നീങ്ങുന്നു നീയും
പുതുമകളായ് മുന്നിൽ തെളിഞ്ഞീടുമീ
വഴികളിലായ് ഇനി പോയീടേണം
നിഴലുകളായ് നടന്നു ചേർന്നിടും പോലെ
തണൽ താഴെ ഇതാ
മനസ്സുകളാൽ നാം പോകും ദൂരം
ഇതുവരെയും ഞാൻ കാണാദൂരം

എന്നിൽ ഈ നിറമഴത്തുള്ളികൾ
പെയ്യും നിൻ ചിരിമഴ തെന്നലായ്
കുളിരിലായ് വന്നു മെല്ലെ
പൊതിയും നീയാം പകൽ
പയ്യെ വീശും കാറ്റിൽ
കുഞ്ഞോളങ്ങൾ കൊഞ്ചും പോലെ
കണ്ണേ കണ്ടാൽ നിന്നെ
മിണ്ടീടുന്നേ നെഞ്ചം താനേ
മനസ്സുകളായ് നാം പോകും ദൂരം
ഇതുവരെയും ഞാൻ കാണാദൂരം