Musofir

Zoʻr yashar deb oʻylamang hech, havas qilmang.
Oʻzga yurtda ming bir azob koʻrganlarga
Tirikchilik tashvishini oʻyin bilmang
Oson emas musofirda yurganlarga

Kimsa bilmas bedor tunlar yigʻlaganda
Sogʻinch azob yurak bagʻrin tigʻlaganda
Kim silaydi sochlarini uxlaganda
Oson emas musofirda yurganlarga

Sogʻinganda bolasini qucholmayin
Bilet boru lek vatanga ucholmayin
Yurar dardin hech kimsaga ocholmayin
Oson emas musofirda yurganlarga




Chet elda ham yotqizib non bermas ekan
Pulni yerdan, yo daraxtdan termas ekan
Musofirning koʻrgan kuni kunmas ekan
Oson emas musofirda yurganlarga

Musofirda yashashdan ham bezgan qancha
Afsus chekib yurak bagʻrin ezgan qancha
Ish topolmay koʻchalarda kezgan qancha
Oson emas musofirda yurganlarga