El Ehteyag Wehesh

الإحتياج وحش والذكريات أشباح
معششة في نفوخنا خايفين نحب جديد
وملصمين شروخنا
لفينا ساقيتك يا حب لغاية لما دوخنا
داخلين بحاجة ساقعة خارجين بعلقة سخنة

الناس أوبن بوفيه عايز تلم منه لم
في صنف يكون زي العسل وصنف كان يسم
الرك على النقاوة
كل أما أقول فرجت خلاص هتهنى وهستجم
أخذ حتة شالوت في وشي ما بقولش بم
بمنتهى الغباوة

الإحتياج وحش ارحمني يا احتياجي
مش كل مرة تنده أتشك في قلبي وأجي
إنت بتحفر لي الحفرة وبوقع فيها بمزاجي
لا عملت حساب طلوعي ولا حتى حساب علاجي

الإحتياج وحش إرحمني يا احتياجي
مش كل مرة تنده أتشك في قلبي وأجي
إنت بتحفر لي الحفرة وبوقع فيها بمزاجي
لا عملت حساب طلوعي ولا حتى حساب علاجي

قلبك مربوط في ساقية ومتغمي وعمال يلف
لازم النهاية تبقى جرح وما بيرضاش يخف
لازم له حدث درامي
الوحدة خانقة بتجبر الواحد يروح يحب
فيروح الحب نازل فوق دماغه ديب ديب
كأنه مسك حرامي

الناس أوبن بوفيه عايز تلم منه لم
في صنف يكون زي العسل وصنف كان يسم
الرك على النقاوة
كل أما أقول فرجت خلاص هتهنى وهستجم
أخذ حتة شالوت في وشي ما بقولش بم
بمنتهى الغباوة