Ganesh Bhujangam

रणत्क्षुद्रघण्टानिनादाभिरामं
चलत्ताण्डवोद्दण्डवत्पद्मतालम्
लसत्तुन्दिलाङ्गोपरिव्यालहारं
गणाधीशमीशानसूनुं तमीडे
ध्वनिध्वंसवीणालयोल्लासिवक्त्रं
स्फुरच्छुण्डदण्डोल्लसद्बीजपूरम्
गलद्दर्पसौगन्ध्यलोलालिमालं
गणाधीशमीशानसूनुं तमीडे
प्रकाशज्जपारक्तरन्तप्रसूनं
प्रवालप्रभातारुणज्योतिरेखम्
प्रलम्बोदरं वक्रतुण्डैकदन्तं
गणाधीशमीशानसूनुं तमीडे
विचित्रस्फुरद्रत्नमालाकिरीटं
किरीटोल्लसद्विभूषितचन्द्ररेखाम्
विभूषैकभूषं भवध्वंसहेतुम्
गणाधीशमीशानसूनुं तमीडे
उदञ्चद्भुजावल्लरीदृश्यमूलो
चलद्भ्रूलताविभ्रमभ्राजदक्षम्
मरुत्सुन्दरीचामरैःसेव्यमानं
गणाधीशमीशानसूनुं तमीडे
स्फुरन्निष्ठुरालोलपिङ्गाक्षितारं
कृपाकोमलेदारलीलावतारम्
कलाबिन्दुगं गीयते योगिवर्यैः
गणाधीशमीशानसूनुं तमीडे
यमेकाक्षरं निर्मलं निर्विकल्पम्
गुणातीतमानन्दमाकारशून्यम्
परमपारमोन्कारमायानगरभम्
वदन्ति प्रगल्भं पुराणं तमीडे
चिदानन्दसाराय शान्ताय तुभ्यं
नमो विश्वकर्त्रे च हर्त्रे च तुभ्यम्
नमोऽनन्तलीलाय कैवल्यभासे
नमो विश्वबीजप्रसीददेशसूनो
इमं सुस्तवं प्रातरुत्थाय भक्त्या
पठेद्यस्तु मर्त्यो लभेत्सर्वकामान्
गणेशप्रसादेन सिद्ध्यन्ति वाचो
गणेशे विभौ दुर्लभं किं प्रसन्ने