Taku Raumiri (Feat. Torere & Te Aroha)

E hurō ana te ngākau
E pupū ake ana
He whakaute i a koe
Kei taku tuakana
Nāu te ara i para
Hei takahia atu māku
Kua pēhea rawa ahau
Ki te kore koe i taku taha?

Ārahina ahau e koe
Tiakina ahau e koe
Popoia ahau e koe
Taku kura e taku raumiri e

E rere ana te mauri
E tiwhatiwha ana
Ko koe taku haepapa
Kei taku taina
Kāore koe i uaua
I manahau kē rā
Kua pēhea rawa ahau
Ki te kore koe i taku taha?

Ārahina ahau e koe
Tiakina ahau e koe
Popoia ahau e koe
Taku kura e taku raumiri e

Tō tāua hononga, nō maimai anō
Tō tāua piringa, e kore e māwehea
Ko koe ko hau, ko hau ko koe!

Ārahina ahau e koe
Tiakina ahau e koe
Popoia ahau e koe
Taku kura e taku raumiri e