Tufani Kawad (Dj Remix)

हे रे ऐ ऐ रर चौगरदे ने बम बम हो री
शिव शंकर भोले की डाक कांवड़ लावेंगे हम
रुके रोले की रर रर बम बम हो री

हे रे शिव शंकर ने याद र करके गंगा जी में नहा ल्यो
हर की पौड़ी पे धोक लगा के डाक कांवड़ तं ठाल्यो
सौ सौ मीटर सूट लगा फेर गाड़ी तेज भगा ल्यो
सब ते आगे जा गी म्हारी चाहे कोई शर्त लगा ल्यो
कोई चिलम जला रया कोई भूट्टी पीवें
भांग आले भोले की रर चौगरदे ने बम बम हो री

डाक कांवड़ वो ल्यावै रे जिसकी छाती में हो काले
भाग भाग के पड़ ज्यावै स पैरा के इब छाले
फेर भी कोन्या डटते ये छोरे हरयाणे रे आले
12 घंटे भी डाक चाले ये छैल गबरू निराले
सूटम सुट्टा आज पिलांग़ी इस काले और भोले की रर
चौगरदे ने बम बम हो री रर बम बम हो री

खींच के मीटर सबसे पेल्या मंदिर के में जावेंगे
सारे भोले नाच नाच के मंदिर में धूम मचावेंगे
फेर परबौते आले का कोई मीठा भजन रे गावेंगे
शिव शंकर की ज्योत जगाके गंगाजल चढ़ावेंगे
विकास कुमार की गेल्या मीता गावे महिमा भोले की रर
चौगरदे ने बम बम हो री रर बम बम हो री