نحبك يا مجنون

نحبك يا مجنون يا ساحر لعيون
بغرامك مفتون أنا ومسكون و دايب فيك
يا مالك الإحساس يا حابس الأنفاس
يا خمرة الكاس وكل الناس يهيموا بيك
حبي ليك هبال مايعرفشي الموحال
ما يتباعش بالمال وما يقدر عاشق يشريك
حبي ليك خيال كلمة حنينة وموال
غناية ترتّح البال تفكّرني في حبّي ليك
نحبّك ياعمري يانجمي وياقمري
مايطفيلي جمري كان وجودي بين يديك
نحبك يا مجنون يا ساحر لعيون
بغرامك مفتون أنا ومسكون و دايب فيك
يا مالك الإحساس يا حابس الأنفاس
يا خمرة الكاس وكل الناس يهيموا بيك
غنايات تواتيك مازلت نغنّي عليك
الورد على خدّيك حاير في لونو النوّار
نحبّك عاشق فيك مانصبرش عليك
تهرب منّي نجيك عيونك تنعتني عالدّار
نحبك ياروحي يامنسيني نوحي
يامداويلي جروحي وروحي ما تحيا إلّا فيك
نحبك يا مجنون يا ساحر لعيون
بغرامك مفتون أنا ومسكون و دايب فيك
يا مالك الإحساس يا حابس الأنفاس
يا خمرة الكاس وكل الناس يهيمو بيك