Mahragan Ana Mabsoot Alashan Lewahdi

أرجوك يا اللي بتسمع كلامي لتوحد الواحد
بيت الكرم محترم لو مبني دور واحد
وبيت البخيل فدان ميسعش نفر واحد
كنا خمسة وعشرة بناكل في طبق واحد
شوف لما غرنا الزمان، لعب الشيطان لعبته
وفرقنا واحد وراء واحد

كل اللي راح من عمري راح غرقان أنا في همومي
وقلبي بقى كله جراح عايم في دمع عيوني
في مشاكل الدنيا أنا اتلهيت وإنتوا بالرخيص بعتوني
أنا نفسي أرجع ثاني زمان وأعيش لوحدي سبوني
هعيش حياتي لو لوحدي مهما كان مين اللي غاب
هبني نفسي طوبة، طوبة وهنسى المرار والعذاب
كل اللي راح من حياتي مكنش ليّ فيه نصيب
واللي ساب حبلي وقطعه أنا كمان لازم هسيب

قلبي اللي كان على قلبه خصمني وده كان ذنبه
كان بس إيه اللي شربه عشان يبيع في حبايبه
سايبه خلاص أنا سيبه عمري مهرجع أزمله
عارفه خبيث مش سالك يبيع في لحمه ودمه
كل اللي مني بعوني في سكة طويلة سبوني
حطيتكم جوة عيوني لقيتكم غفلتوني
أنا قلت عليكم مني إزاي تتكلموا عني
دي دموعي مش حلني الناس بقت ظلمني
حبيت في ناس مش سالكة للنقص عاملين شركة
لو يوم شافوني بفلوسي عليّ يعملوا عركة

أنا مبسوط علشان لوحدي وألف بوسة ع اللي باع
على الأستوري هنزل حالتي لأي ناقص سلام وداع
أنا قدرت في ناس كثيرة ما شفتش منهم غير خداع
بس خلاص قررت أبيع لحد إمتى هشيل أوجاع
أنا هبطل أبقى جدع عشان في ضيقتي كله خلع
فضلت معاشر ناس ثعابين ومن سمهم أنا بتلدع
خلتوني وشوشت الودع يا نفوس مريضة مليانة طمع
أنا كنت بتمنى لكم الخير وكله على أذايا اجتمع

أحزان وراء أحزان خلاص مفيش جدعان
إزاي تكون كسبان يا اللي إنت مش سلكان
لازم يكون ندمان اللي باعني وخان
أنا منكم مش قلقان علشان من الجدعان
اللي هيجي قدامي لازم يذوق ألامي
خلاص بقيت مش باقي على عيشتي وأيامي

(مداد (حي) مداد (حي
(مداد (حي) مداد (حي
الله، الله، الله، الله