انتي اطهر ذنب

يا رفيقة دربي الدرب مل الإنتظار
الأمل يبني جدر والزمن يهدم جدر
يا رفيقة دربي الدرب مل الإنتظار
الأمل يبني جدر والزمن يهدم جدر
التظاهر بالقساوة مثل رد اعتبار
للقلوب اللي ملتها ساكاكين الغدر

ليت لي قلبين لو كان فيها مستعار
ولا لي وجهين لو واحدٍ منها ودر
يا قصيدة من قصايد سعد ولا نزار
عاد أنا ما هو بيصلح لي إلا ما ندر

أنت أطهر ذنب وأجمل غلط واشجع قرار
حطك الله في ليال العمر ليلة قدر
أنت أطهر ذنب وأجمل غلط واشجع قرار
حطك الله في ليال العمر ليلة قدر
الهزيمة في عيونك بطعم الإنتصار
من يقاوم سحر عينك ورمشك لاخدر

الشعور اللي يجيني بصالات المطار
كنت أخافة بس ما كنت أعرف إنه قدر
والنهايات الكبيرة من أخلاق الكبار
يلبس المحتاج فيها ثياب المقتدر

ما دريت إنك مسحتي دموعي بالخمار
لين قالت رعشة إيديك يا مجنون ادر
ما دريت إنك مسحتي دموعي بالخمار
لين قالت رعشة إيديك يا مجنون ادر
السنين اللي معك عشتها جنة ونار
علقيها في رقبتك ترى دمي هدر

ولبسيني مثل ما يلبس الليل النهار
واشرقي بي واغربي بي على شمس وبدر
وادفنيني في بياضٍ نشع فيه الحمار
عاشقٍ فارق حياتة على مفرق صدر
قولي إنه مات فيني على شكل اعتذار
حاول وحاول، وحاول يعيش ولا قدر