Mahanadi Kete Sua

ମହାନଦୀରେ କେତେ ସୁଅ କୁଆଡେ ଗଲାଣି
କେତେ ବାଟ, ଘାଟ, ଘର ବଦଳି ଗଲାଣି
ମହୋଦଧିରେ କେତେ ଢେ଼ଉ ଫେରିତ ଗଲେଣି
ନୂଆ, ପୁରୁଣା କେତେ ଚେହେରା ବଦଳି ଗଲାଣି

ନା ଭାଙ୍ଗିଛି, ନା ଭାଙ୍ଗିବ ଏ ଭାବ ମନ୍ଦିର
ନା କମିଛି, ନା କମିବ ଏ ଖୁସିର ଜୁଆର

ସାକ୍ଷୀ ରହିଲା ଏ ସିଂହ-ଦୁଆର
ସାକ୍ଷୀ ରହିଲା ଏ ସିଂହ-ଦୁଆର

କେତେ ଯେ କଥା ପବନରେ ଉଡ଼ି ତ ଗଲାଣି
କେତେ ଯେ ଚିହ୍ନ ବରଷାରେ ଧୋଇ ତ ଗଲାଣି
କେତେ ନଈ ବାଟ ଭାଙ୍ଗି ମୋଡ଼ି ତ ଗଲାଣି
କେତେ ଘାଟ, କେତେ ତୁଠ ବଦଳି ଗଲାଣି

ନା ବଦଳିଛି ବଦଳିବ ଆମ ସଂସାର
ନା ଛିଡ଼ିଛି ନା ଛିଡ଼ିବ ଏ ସ୍ନେହର ଡୋର

ସାକ୍ଷୀ ରହିଲା ଏ ସିଂହ-ଦୁଆର
ସାକ୍ଷୀ ରହିଲା ଏ ସିଂହ-ଦୁଆର (ସିଂହ-ଦୁଆର)

ନଈ ଦୁଇ କୂଳ ଯୋଡେ ସେତୁବନ୍ଧ ଟିଏ
ଦୁଇ ବଂଶ କୂଳ ଯୋଡେ ବନ୍ଧୁ ହାତଟିଏ
ରକତଠୁ ଗାଢ଼ ଆମ ସଂପର୍କର ରଙ୍ଗ
ପଥରଠୁ ଟାଣ ଆମ ଭରସାର ସଙ୍ଗ

କାଳିଆ ପାଖରେ ମାଗୁଣି ଆମର
ଖୁସିକୁ କାହାର ନ ଲାଗୁ ନଜର
ହସୁଥାଉ ଏଇ ସୁଖ ସଂସାର

ଆକାଶରେ କେତେ ମେଘ କୁଆଡେ ଗଲାଣି
କେତେ ଯେ ପୁନେଇ ରାତି ପାହି ତ ଗଲାଣି
ସମୟ ସୁଅରେ କିଏ କୁଆଡେ ଗଲେଣି
ରଙ୍ଗଢ଼ଙ୍ଗ, ସୁର କେତେ ବଦଳି ଗଲାଣି

ନା ରହିଛି, ନା ରହିବ ସାଥ ଆମର
ସ୍ବାର୍ଥଠୁ ବହୁ ଉପରେ ବନ୍ଧନ ଆମର

ସାକ୍ଷୀ ରହିଲା ଏ ସିଂହ-ଦୁଆର (ସାକ୍ଷୀ ରହିଲା ଏ ସିଂହ-ଦୁଆର)
ସାକ୍ଷୀ ରହିଲା ଏ ସିଂହ-ଦୁଆର (ସାକ୍ଷୀ ରହିଲା ଏ ସିଂହ-ଦୁଆର)
ସାକ୍ଷୀ ରହିଲା ଏ ସିଂହ-ଦୁଆର (ସାକ୍ଷୀ ରହିଲା ଏ ସିଂହ-ଦୁଆର)
ସାକ୍ଷୀ ରହିଲା ଏ ସିଂହ-ଦୁଆର (ସାକ୍ଷୀ ରହିଲା ଏ ସିଂହ-ଦୁଆର)