Bağlı Qapı [Meyxana] (Feat. Vüqar Əbdülov)

Qapı bağlı qalıb…

Bağlanıb eşqin qapısı üzümüzə
Hey dolur həsrət yağışı gözümüzə
Çəkdiyimiz ahdır əsən küləklər
Əsdi xəzan, soldu açan çiçəklər
Səadətə yoxdur inam zərrəcə
Həsrət ilə ömür edirik sadəcə
Bağlıdır eşqin qapısı üzümüzə

Axtarır məni külək
Yalvarır sərin yağış
Axtarır coşqun ürək
Yalvarır, barış, barış
Axtarır məni külək
Yalvarır sərin yağış

Dostum deyir: “qayıt”…

Bir-birini sevmək idi şərtimiz
Nə bilərdik, həsrət olar dərdimiz?
Sanırdıq, yaxındır vüsal dəmləri
Gözləmədən həsrəti, dərd, qəmləri
Biz çox acı həsrət ilə görüşdük
Amansız fələyin felinə düşdük
Bağlıdır eşqin qapısı üzümüzə

Axtarır məni külək
Yalvarır sərin yağış
Axtarır coşqun ürək
Yalvarır, barış, barış
Axtarır məni külək
Yalvarır sərin yağış

Anam küsüb məndən...

Həyat fani, ömür qısa, eşq yalan
Əcəl amansızdır, verməyir aman
Əgər məhəbbətlə sevirsə ürək
Hicranı yaxın buraxmamaq gərək
Biz o qədər bivəfa insanlarıq
Acı həsrəti dadanda anlarıq
Bağlıdır eşqin qapısı üzümüzə

Axtarır məni külək
Yalvarır sərin yağış
Axtarır coşqun ürək
Yalvarır, barış, barış
Axtarır məni külək
Yalvarır sərin yağış

[Keçid: Ədalət Şükürov]
Qapı bağlı qalıb...

Düşünmədik, bir gün gələr ayrılıq
Bağrımızı deşər, dələr ayrılıq
Sevgi ilə aşıb-daşır qəlbimiz
Vüsal arzusuyla coşur qəlbimiz
Qalmayıbdır dözüm ayrılığımıza
Səbəb budur bizim ayrılığımıza
Bağlıdır eşqin qapısı üzümüzə

Axtarır məni külək
Yalvarır sərin yağış
Axtarır coşqun ürək
Yalvarır, barış, barış
Axtarır məni külək
Yalvarır sərin yağış

Dostum deyir: “qayıt”…

Ülvidir bir-birinə olan sevgimiz
Yoxdur bizim saxta, yalan sevgimiz
Candan əzizdir bizə cananımız
Saxta deyil əhd ilə peymanımız
Həsrəti bir vaxt yaşadıq, indi isə
Vəslə yetirdi bizi bu hadisə
Açıldı eşqin qapısı üzümüzə

Axtarır məni külək
Yalvarır sərin yağış
Axtarır coşqun ürək
Yalvarır, barış, barış
Axtarır məni külək
Yalvarır sərin yağış

Bu həm bizim Ədalətin qapısıdır
Həm də nakam məhəbbətin qapısıdır
Çox aşiqlər bağlı qapı dalında
Kərəm odda, Qeys Məcnun halında
İndi sən Ədalət ilə mən Vüqar
Həsrətin qapısına tapmışıq açar
Açılmış eşqin qapısı üzümüzə

Axtarır məni külək
Yalvarır sərin yağış
Axtarır coşqun ürək
Yalvarır, barış, barış
Axtarır məni külək
Yalvarır sərin yağış

Axtarır məni külək
Yalvarır sərin yağış
Axtarır coşqun ürək
Yalvarır, barış, barış
Axtarır məni külək
Yalvarır sərin yağış