Nova Virtù

Sentu un lagnu esce da l'abbissi
Cresce è mi pungne in core
Cum'elle sò disgraziate isse ore
Ritrattanu un altru visu l'affissi
Ci hè tante pagine di storia
Quesse ùn sò da ritene
Casticheghjanu ciò chì hè l'avvene
Ci imbastardiscenu a memoria
Core in fronte o giuventù
Cusì sincere sò isse brame
Femu lu inseme u nostru avvene
È insignemu una nova virtù
Sia corsu, ne sì capace
Cusì preziosu u to sangue
Fà stancià isse stundacce langue
Chì a to cuscenza sia in pace