O Mà, Parla Mi Corsu

Aiò o mà parlami corsu
A ti dumandu pé piace
Sai ch'ellu mi gherba troppu
E bramu d'amparallu da tè
Un vogliu esse un saccu viotu
Mà quellu pienu di sapè.
Aiò o mà parlami corsu
Un n'hè che da tè ch'o l'aspettu
Un mi tene altru discorsu
Pè dispaciami u t'affettu
Aiò veni à mio succorsu
Un sghisgia micca lu suggettu.
Parlami a "lingua materna"
Ghjunta da l'alta antichita
E per ch'ella dimori eterna
Aiò parlami corsu o mà
Què a ti dumandu pè strenna
Cumè unica eredità.
Falle cresce a mio cultura
Da umanu vogliu avanza
Alluntanami di a vughjura
Di a gnorente oscurità
Imparami a lingua pura
Ch'o a possi transmette o mà.