Maay Bhavani Tujhe Lekaru (From "Shabbas Sunbai")

सर्व मंगल मांगल्ये शिवे सर्वार्थ साधिके
शरण्ये त्र्यंबके गौरी नारायणी नमोस्तुते

माय भवानी तुझे लेकरू कुशीत तुझिया येई
सेवा मानून घे आई
सेवा मानून घे आई
माय भवानी तुझे लेकरू कुशीत तुझिया येई
सेवा मानून घे आई
सेवा मानून घे आई

तू विश्वाची रचिली माया
तू शीतल छायेची काया
तू विश्वाची रचिली माया
तू शीतल छायेची काया
तुझ्या दयेचा ओघ अखंडित दुरित लयाला नेई
सेवा मानून घे आई
सेवा मानून घे आई

तू अमला अविनाशी कीर्ती
तू अवघ्या आशांची पूर्ती
जे जे सुंदर आणि शुभंकर पूर्णत्वाते नेई
सेवा मानून घे आई
सेवा मानून घे आई

तूच दिलेली मंजुळ वाणी
डोळ्यांमधले निर्मळ पाणी
तूच दिलेली मंजुळ वाणी
डोळ्यांमधले निर्मळ पाणी
तुझ्या पूजना माझ्या पदरी याविण दुसरे नाही
सेवा मानून घे आई
सेवा मानून घे आई
माय भवानी तुझे लेकरू कुशीत तुझिया येई
सेवा मानून घे आई
सेवा मानून घे आई