Mi Hajar Chintanni

मी हजार चिंतांनी हे डोके खाजवतो
तो कट्ट्यावर बसतो घुमतो शीळ वाजवतो
मी हजार चिंतांनी हे डोके खाजवतो
तो कट्ट्यावर बसतो घुमतो शीळ वाजवतो

मी जुनाट दारा परी किरकिरा बंदी
तो सताड उघड्या खिडकीपरी स्वच्छंदी
मी जुनाट दारा परी किरकिरा बंदी
तो सताड उघड्या खिडकीपरी स्वच्छंदी
मी बिजागरीशी जीव गंजवीत बसतो
मी बिजागरीशी जीव गंजवीत बसतो
तो लंघून चौकट पार निघाया बघतो
मी हजार चिंतांनी हे डोके खाजवतो
तो कट्ट्यावर बसतो घुमतो शीळ वाजवतो

डोळ्यांत माझिया सूर्याहून संताप
दिसतात त्वचेवर राप उन्हाचे शाप
डोळ्यांत माझिया सूर्याहून संताप
दिसतात त्वचेवर राप उन्हाचे शाप
तो त्याच उन्हाचे झगझगीत लखलखते
तो त्याच उन्हाचे झगझगीत लखलखते
घडवून दागिने सूर्यफुलांवर झुलतो
मी हजार चिंतांनी हे डोके खाजवतो
तो कट्ट्यावर बसतो घुमतो शीळ वाजवतो

मी पायी रुतल्या काचांवरती चिडतो
तो त्याच घेऊनी नक्षी मांडून बसतो
मी पायी रुतल्या काचांवरती चिडतो
तो त्याच घेऊनी नक्षी मांडून बसतो
मी डाव रडीचा खात जिंकतो अंती
मी डाव रडीचा खात जिंकतो अंती
तो स्वच्छ मोकळ्या मुक्त मनाने हरतो
मी हजार चिंतांनी हे डोके खाजवतो
तो कट्ट्यावर बसतो घुमतो शीळ वाजवतो

मी आस्तिक मोजत पुण्याईची खोली
नवसांची ठेवून लाच लावतो बोली
मी आस्तिक मोजत पुण्याईची खोली
नवसांची ठेवून लाच लावतो बोली
तो मुळात येतो इच्छा अर्पून साऱ्या
तो मुळात येतो इच्छा अर्पून साऱ्या
अन्‌ धन्यवाद देवाचे घेऊन जातो
मी हजार चिंतांनी हे डोके खाजवतो
तो कट्ट्यावर बसतो घुमतो शीळ वाजवतो

मज अध्यात्माचा रोज नवा शृंगार
लपतो न परी चेहरा आत भेसूर
मज अध्यात्माचा रोज नवा शृंगार
लपतो न परी चेहरा आत भेसूर
तो फक्त ओढतो शाल नभाची तरीही
तो फक्त ओढतो शाल नभाची तरीही
त्या शामनिळ्याच्या मोरपिसापरी दिसतो
मी हजार चिंतांनी हे डोके खाजवतो
तो कट्ट्यावर बसतो घुमतो शीळ वाजवतो
तो कट्ट्यावर बसतो घुमतो शीळ वाजवतो
हं हं हं हं
हं हं हं हं
हं हं हं हं