Paattil Ee Paattil (Shreya Ghoshal)

ആ ആ ആ
പാട്ടിൽ ഈ പാട്ടിൽ ഇനിയും നീ ഉണരില്ലേ?
ഒരു രാപ്പാടി പാടും ഈണം കേട്ടതില്ലേ?
പനിനീർപ്പൂക്കൾ ചൂടി ഈ രാവൊരുങ്ങിയില്ലേ
എൻ നെഞ്ചിലൂറും ഈ പാട്ടിൽ ഇനിയും നീ ഉണരില്ലേ?
ഓ, ഓ

ആഹ് ആഹ് ആ
ആഹ് ആഹ് ആ
സാഗരം മാറിലേറ്റും കതിരോൻ വീണെരിഞ്ഞൂ
കാതരേ നിന്റെ നെഞ്ചിൽ എരിയും സൂര്യനാരോ?
കടലല തൊടുനിറമാർന്നു നിൻ
കവിളിലുമരുണിമ പൂത്തുവോ
പ്രണയമൊരസുലഭ മധുരമാം നിർവൃതി
ഒഴുകും പാട്ടിൽ ഈ പാട്ടിൽ ഇനിയും നീ ഉണരില്ലേ?

ഊഹ് ഊഹ്

ആയിരം പൊൻ മയൂരം കടലിൽ നൃത്തമാടും
ആയിരം ജ്വാലയായി കതിരോൻ കൂടെയാടും
പകലൊളി ഇരവിനെ വേൾക്കുമീ
പുകിലുകൾ പറവകൾ വാഴ്ത്തിടും
പ്രണയമൊരസുലഭ മധുരമാം നിർവൃതി
ഒഴുകും പാട്ടിൽ ഈ പാട്ടിൽ ഇനിയും നീ ഉണരില്ലേ?
ഒരു രാപ്പാടി പാടും ഈണം കേട്ടതില്ലേ?
പനിനീർപ്പൂക്കൾ ചൂടി ഈ രാവൊരുങ്ങിയില്ലേ